Військові молитви

На цій сторінці ми подаємо військові молитви церковно-слов'янською мовою. Молитви взято з "Молитвослова православного воїна", виданого нещодавно у Києво-Печерській лаврі.



Проти супостатів

Господи Боже наш, послушавий Моісея, простерша к Тебі руці, і люди ізраілеви укріпивий на Амалика, ополчивий Ісуса Навина на брань і повелівий солнцу стати: Ти і нині, Владико Господи, услиши нас, молящихся Тебі. Посли, Господи, невидимо десницу Твою, раби Твоя заступающую во всіх, а імже судил єси положити на брані душі своя за віру і Отечество, тім прости согрішенія їх, і в день праведнаго воздаянія Твоєго воздай вінци нетлінія: яко Твоя держава, Царство і сила, от Тебе помощь всі приємлем, на Тя уповаєм, і Тебі славу возсилаєм, Отцу і Сину і Святому Духу, нині і присно і во віки віков. Амінь.



Молитва перед битвою (боєм), 1-а


Боже кріпкий, в руці Своїй содержай судьби человіков! Не помяни гріхов моїх, і укріпи мя свише силою Твоєю на супротивния нам. Даруй ми бодр ум і сердце безтрепетно, да страха їх не убоюся, ніже смушуся, но в сіни священних хоругвей воїнства нашего пребуду вірен воїнській клятві моєй до конца. Во імя Твоє, Господи, гряду, і да будет воля Твоя.

Пресвятая Богородице, спаси нас!

Святий Архістратиже Михаїле, споборствуй нам!

Святий Ангеле хранителю, не отступи от мене!

Всі святії, моліть Бога о нас!



Молитва перед битвою (боєм), 2-а


Спасителю мій! Ти положил за нас душу Свою, даби спасти нас; Ти заповідал і нам полагати душі своя за други наша і за ближніх наших. Радостно іду я ісполнити святую волю Твою і положити жизнь свою за Отечество. Вооружи мя кріпостію і мужеством на одоленіє врагов наших, і аще належить мні умрети, даруй мні в сім мужество, віру і надежду вічної жизни во Царствії Твоєм. Мати Божая! Сохрани мя под покровом Твоїм. Да будет воля Твоя, Господи! Амінь.



Молитва перед битвою (боєм)
св. мученика Феодора Стратилата, 3-я


Господи Боже всесильний, всіх уповающих на милість Твою не оставляяй, но защищаяй їх! Буди мні милостив і соблюди мя от прелесті вражия Твоїм защищенієм, да не паду пред сопротивниками моїми, і да не порадується враг мой о мні. Предстани мні, Спасителю мой, в подвизі сем за імя Твоє святоє. Ти мя укріпи і утверди і подаждь силу стати мужественно за Тя до крови і положити душу мою по любви к Тебі, якоже і Ти, возлюбив нас, положил єси на Кресті душу Свою за нас. Амінь.



Молитва перед битвою (боєм)
св. Архістратигу Божому Архангелу Михаїлу, 4-a


Святий і великий Архістратиже Божий Михаїле, ниспровергни з небесе діавола і воїнство єго! К тебі з вірою прибігаєм і тебі з любовію молимся, буди щит несокрушим і забрало твердо Святій Церкві і православному Отечеству нашему, ограждая їх молнієносним мечем твоїм от всіх враг видимих і невидимих. Буди Ангел хранитель, наставник премудр і споспішник предводителем нашим. Буди вождь і соратай непобідим христолюбивому воїнству нашему, вінчая єго славою і побідами над супостати, да познают всі противляющіїся нам, яко с нами Бог і святії Ангели Єго. Амінь.



Молитва чесному і животворящому Хресту Господню


Да воскреснет Бог і расточатся врази Єго і да біжат от лица Єго всі ненавидящії Єго. Яко ісчезаєт дим, да ісчезнут, яко таєт воск от лица огня, тако да погибнут біси от лица любящих Бога і знаменующихся крестним знаменем і в веселії глаголющих: радуйся, Пречестний і Жи-вотворящий Кресте Господень, проганяяй біси силою на тебі пропятаго Господа нашего Іісуса Христа, во ад сшедшаго і поправшего силу діаволю і даровавшего нам Тебі Крест Свой Чесний, на прогнаніє всякаго супостата.

О, пречестний і Животворящий Кресте Господень! Помогай ми со Святою Госпожею Дівою Богородицею і со всіми святими во віки. Амінь.



Молитва болящого воїна до Господа Спасителя


Врачу душ і тілес! Во умиленії сердца моєго к Тебі припадаю, просяще ісціленія. Вім, Господи, яко достойная приємлю по ділом моїм, зане преступих повелінія Твоя. Обаче рекл єси: яко хотінієм не хощу смерті грішника, но єже обратитися і живу бити єму. Сего ради молю непамятозлобноє человіколюбіє Твоє: не помя-ни гріхов і беззаконій моїх, о нихже сокрушаюся всім сердцем моїм, і милостивно сотвори мя причастника Пречистаго Тіла і Крові Твоєя, да тако приуготован о надежді пребуду жизні вічния. В сей же привременній жизні подаждь ми, Господи, ісціленіє от обдержащия мя немощи, уврачуй рани моя, укроти болізнь, угаси огневицу і всяку страсть і немощь, во мні таящуюся, і скоро воздвигни от одра болізненнаго. Утіши скорбящія о мні родителі і ближняя моя, пекущимся о мні воздаждь сторицею, купно со мною болящим зді посли ослабу і ісціленіє. Всім нам Врач і Утішитель буди, да в терпінії стяжавше души наша, станем усерднеє служити Отечеству і народу нашему на пользу і Тебі, Спасителю нашему, во славу. Амінь.



Молитва св. мученика Євтропія - воїна, в ранах і стражданнях


Боже Вседержителю, благий і милостивий, Помощниче во узах і Податель мужественнаго терпінія в муках! Даждь нам терпініє в ранах сих і приіди на помощь к нам, якоже к рабу Твоєму мученику Феодору пришел єси і помогл єму, і всесильною Твоєю помощію яви всім, яко ми воістину Тя єдинаго імами Господа Спаса і Тебі Єдиному покланяємся, славяще Тя со Отцем і Святим Духом во віки. Амінь.



Молитви в часі біди і нападу ворогів


Тропар


Скоро предвари, прежде даже не поработая врагом хулящим Тя, і претящим нам, Христе Боже наш: погуби Крестом Твоїм борющия нас, да уразуміют, како может православних віра, молитвами Богородици, Єдине Чоловіколюбче.

Кондак


Возбранний Воєводо і Господи, ада Побі-дителю! Яко ізбавлься от вічния смерті, похвальная восписую Ти, созданіє і раб Твой; но яко іміяй милосердіє неізреченноє, от всяких мя бід свободи, зовуща: Іісусе, Сине Божий, помилуй мя.

Псалом 90


Живий в помощі Вишняго, в крові Бога Небеснаго водворится. Речет Господеві: Заступник мой єси, і Прибіжище моє, Бог мой і уповаю на Него. Яко Той ізбавит тя от сіти ловчі, і от словеси мятежна. Плещма своїма осінит тя, і под крилі Єго надієшися: оружиєм обидет тя істина Єго. Не убоішися от страха нощнаго, от стріли летящія во дни, от вещи во тьмі преходящия, от сряща і біса полуденнаго. Падет от страни твоєя тисяща і тьма одесную тебе, к тебі же не приближится. Обаче очима твоїма смотриши і воздаяніє грішников узриши. Яко Ти, Господи, упованіє моє: Вишняго положил єси прибіжище Твоє. Не приідет к тебі зло і рана не приближится тілесі твоєму: яко ангелом Своїм заповість о тебі, сохранити тя во всіх путех твоїх. На руках возьмут тя, да не когда преткнеши о камінь ногу твою. На аспіда і василіска наступиши, і попереши льва і змія. Яко на Мя упова, і ізбавлю і, покрию і, яко позна імя Моє. Воззовет ко Мні, і услишу єго; с ним єсмь в скорбі, ізму єго і прославлю єго. Долготою дній ісполню сто і явлю єму спасеніє Моє.



Молитва в біді, печалі і скорботі


О, святий мучениче Христов Трифоне, скорий помощниче всім к тебі прибігающим, і молящимся, скоропослушний предстателю! Услиши нині і на всякий час моленія нас, почитающих святую память твою, і предстательствуй о нас пред Господем на всяком місті, ти бо, угодниче Христов, святий мучениче і чудотворче Трифоне, в великих чудесіх возсіявий, прежде ісхода твоєго от житія сего тліннаго молился єси за ни ко Господу і іспросил єси у Него дар сей: аще кто в коєй нужді, біді, печалі і болізні душевній ілі тілесній призивати начнет святоє імя твоє, той ізбавлен будет от всякаго прилога злаго, і якоже ти некогда дщерь цареву, во граді Римі от діавола мучиму, ісцілил єси: сице і нас от лютих єго козней сохрани во вся дні житія нашого, наіпаче же в день послід няго нашого іздиханія предстательствуй о нас, буди нам тогда помощник, і скорий прогонитель лукавих духов, і к Царствію Небесному предводитель, ідіже ти нині предстоіши с лики святих у престола Божія, моли Господа, да сподобит і нас причастники бити присносущнаго веселія і радості, да с тобою купно удостоімся славити Отца і Сина і Святаго Утішителя Духа во віки віков. Амінь.



Молитва у відчаї


О, всехвальний святителю і угодниче Христов, отче Тихоне! Ангельски пожив на землі, ти яко Ангел благий явился єси і в дивнім твоїм прославленії. Віруєм от всія души і помиш-ленія, яко ти, благосердий наш помощниче і молитвенниче, твоїми неложними ходатайстви і благодатію, обільно дарованною тебі от Господа, присно способствуєши нашему спасенію. Прийми убо, ублажаемий угодниче Христов, і в час сей наша недостойная моленія: свободи ни твоїм заступлениєм от облегающаго нас суєсловія і суємудрія, неправовірія і зловірія человіческаго. Потщися, скорий о нас предстателю, богоприятним твоїм ходатайством умолити Господа, да пробавит Своя великия і богатия милости на нас, грішних і недостойних рабіх Своїх, да уврачуєт Своєю благодатію неісцельния язви і струни растлінних душ і тілес наших, да растворит окаменілая серца наша слезами умиленія і сокрушенія о премногих согрішеніїх наших, і да ізбавит ни вічних мук і огня гієнскаго: всім же вірним людем Своїм да даруєт в нинішнім віці мир і тишину, здравіє і спасеніє і во всім благоє поспішеніє, да тако, тихоє і безмолвноє житіє поживши во всяком благочестії і чистоті, сподобимся со Ангели і со всіми святими славити і воспівати всесвятоє імя Отца і Сина і Святаго Духа. Амінь.



Молитва про дарування терпіння


О, Дивний Создателю Человіколюбивий Владико, многомилостивий Господи! С сердцем сокрушенним і смиренним сице молю Тя: не возгнушайся грішнаго моленія моєго, не отрини сліз моїх і воздиханія, услиши мене, якоже Хананею, не презри мене, якоже блудницу, яви і на мні, грішнім, великую милость человіколюбія Твоєго, ризою Твоєю чесною защити, помилуй і подкріпи мя, да вся посилаємия от Тебе біди і напасті со благодаренієм в надежді вічних благ протерплю: ізряднеє же печаль мою на радость претвори, да не в отчаяніє впаду і погибну аз, окаянний. Ти бо єси істочник милости і непостидная спасенія нашего надіжда, Христе Боже наш, і Тебі славу возсилаєм со Безначальним Твоїм Отцем і с Пресвятим і Благим і Животворящим Твоїм Духом, нині і присно і во віки віков. Амінь.



Молитва за померлих


Со духи праведних скончавшихся, душу раба Твоєго, Спасе, упокой, сохраняя ю во блаженной жизні, яже у Тебе, Человіколюбче.

В покоїщі Твоїм, Господи, ідіже вси святії Твої упокоєваються, упокой і душу раба Твоєго, яко єдин єси Человіколюбець.

Слава Отцу і Сину і Святому Духу: Ти єси Бог, сошедий во ад і узи окованних разрішивий, Сам і душу раба Твоєго упокой.

І нині і присно і во віки віков. Амінь: Єдина чистая і непорочная Діво, Бога без сімені рождшая, моли спастися душі єго.

Со святими упокой, Христе, душу раба Твоєго, ідіже ність болезнь, ні печаль, ні воздиханіє, но жизнь безконечная.



Переможна подячна пісня Богородиці


Взбранной Воєводі побідительная, яко ізбавльшеся от злих, благодарственная восписуєм Ти раби Твої, Богородице. Но яко імущая державу непобідимую, от всяких нас бід свободи, да зовем Ти: Радуйся, Невісто Неневістная.





   Зміст розділу     ||    На головну   

Хостинг от uCoz